Xa chegou (a primeira malleira)

Ola benqueridos lectores, hoxe puidemos disfrutar da primeira vitoria folgada desta campaña,nada máis e nada menos que un claro 8-1 a favor dos xuvenís.
Foi un triunfo traballado, xa que houbo que esperar bastantes minutos para comezar a velos goles que nos deron os tres puntos contra o temible Xa chegou.
Os primeiros compases do derbi facían ver que o San Pedro sabíase gañador, xa que a intensidade mostrada polos seus xogadores non era a requerida polas características do partido, o que tampouco deu lugar a algunha ocasión clara dos celestes, dos que se pode reseñar a oportunidade que por sorte non acabou nunha peor situación.
Da primeira media hora do encontro pouco máis pódese contar xa que o xogo estivo acumulado no centro do campo e a bóla ía dun lado a outro coma unha tola.
A piques de entrar nos derradeiros dez minutos do primeiro parcial, unha falta a uns 40m da portería contraria foi tocada con maestría por parte de mauricio, o que lanzou o esférico ó segundo pao, onde estaba Xurxo para levar o balón dentro das mallas coa cabeza tras unha mala saída do porteiro rival.
No descanso, o adestrador visualizou á perfección o que ocorrería na segunda metade: "Marcamos el segundo rápido y después llegan todos",dito e feito.
O segundo gol, obra de Gzlez., non se fixo desexar moito, pois unha boa xogada de Mateo nos primeiros instantes dos segundos 45 minutos propiciou que éste chegara. Tras esto, os tantos chegaron de tódolas cores.
Mosqui,moi activo ó longo dos 90 minutos, demostrou a súa incuestionábel titularidade cun par de goles de killer,ó igual que Fede, que se reivindicou con dous tantos, un dos cales cuán Zidane en Glasgow.
Regueiro tamén aportou un gol tras un bo contragolpe de toda a escuadra roxibranca. O derradeiro gol do San Pedro foi de Xurxo tras asistencia espectacular de Anxo.
Tamén comentar que o gol do Xa chegou foi de Álex.
Boas noites e boa sorte.

Once inicial:
TOÑO(C);NICO;LUCHO;CARLOS;DIEGO;MOSQUI;MAURO;XURXO;REGUEIRO;ANXO;GZLEZ.
Trocos:
FEDE por GZLEZ.; DIEGO por NICO; SERGIO por MOSQUI.



Crónica elaborada polo honorífico xornalista Xurxo González Rollón.

P.D.: esixo desculpas pola miña lembranza no feito de que este resumo debería estar en castelán, pois esquencinme.